在2018年11月28日有一個新樓盤屯門的盤菁雋開售了,最細單位實用面積僅128方呎,發展商代表說…即使”皇宮那麼大,皇帝都只是睡一張龍床…“金句一出,全港都識!

被喻為「龍床盤」的屯門菁雋,備受世人關注。項目當日終公佈首張價單共73伙,售價285萬至928.8萬元,呎價13,452元至22,327元。最平單位為8樓32室,實用面積131方呎,價單價285萬元。菁雋當年地價僅1,530元 建成後賣貴十倍

菁雋首批單位,沒有任何折扣及不提供按揭,平均呎價16,937元更貴絕屯門,較同區弦海上月公佈的首批單位平均呎價15,791元貴7.3%。若與屯門豐連2016年7月首批單位平均呎價8,826元比較,屯門新盤兩年貴足九成。

項目剛上載樓書,劏出新境界,一層多達33室,扣除4、14及24室,一層劏出29伙。 最受矚目的128方呎「龍床盤」位於31室,採用「廁所露台」設計,同層大部份單位均附設露台,但龍床盤沒有露台,取而代之是疑似原本露台位已變成廁所。

廁所露台約24方呎,可以用「麻雀雖小、五臟俱全」形容,提供坐廁、洗面盆及企缸。扣除廁所露台後,全屋可以用到的實用面積只約100方呎,已包括客飯廳及開放式廚房。客飯廳只是開放式廚房前面一個細窗,室內採光或有不足。

大家先睇睇下面的示意圖。

屯門128呎盤菁雋平面圖

咁細,點住呀?第日點賣呀?當我睇完這幅圖即時感動到流眼淚,流眼淚唔係因為覺得地產商食水深;唔謀取暴利就唔係地產商啦! 亦都唔係因為呢個做marketing嘅人可以講啲咁冇良心嘅說話。因為原來生活香港可以咁平等,冇錢住劏房就算啦,原來有錢上樓同住劏房冇乜分別!原來有分別!分別係要畀管理費同埋要畀好多錢首期同供樓。如果我係話如果呀,有人真係買呢個單位嚟自住嘅;我覺得你咁做真有拉近到住緊劏房嘅人既距離。

好了交代完背景資料 ,成件事大家會都會覺得好荒謬,但到底荒謬喺邊度呢?

點解咁細嘅單位地產商都要起?

答案好簡單因為香港係自由經濟,有買就有賣,根據金管局的指引,借8成以上的按揭,貸款上限是360萬,換言之只有400萬或以下的單位,才可以借足9成按揭,才可以享受低首期上車,於是引來全城熱搶。佢哋會起就因為有人會買,他們不在乎買家將來是否會難套現,總知他們是開售的時候就套現了。

點解做marketing嘅人可以講啲咁冇良心嘅說話?

老實講件產品又不是做Marketing的人開發的,件產品好他們要做宣傳,產品不好他們也要想辦法做宣傳。他們不做宣傳就是沒有存在價值。他們說出這麼離地的說話,我猜想是市民好騙吧!其實我又覺得不太差,至少很符合地產商的形象!

彩蛋環節

網民對這樓盤的睇法

買架旅行車泊街會唔會實在啲?
網民
遲早有人發明打直訓既床, 咁樣間屋就可以再細d啦…
網民
買黎做咩?做迷你倉?
網民
咁嘅單位 就算搞嘢都只可以龍舟掛鼓,推車都唔夠位
網民
啲人想試下坐監嘅感覺, 哩啲單位就一流。 希望到時啲特色單位可以裝修到同赤柱一樣就好
網民
人住嫌細 狗住嫌貴
網民