2018年11月28日

發展商代表說…即使皇宮那麼大,皇帝都只是睡一張龍床…金句一出,全港都識!

龍床盤菁雋

菁雋當年地價僅1,530元 建成後賣貴十倍

咁細,點住呀?

第日點賣呀?

被喻為「龍床盤」的屯門菁雋,最細單位實用面積僅128方呎,備受世人關注。項目今日終公佈首張價單共73伙,售價285萬至928.8萬元,呎價13,452元至22,327元。最平單位為8樓32室,實用面積131方呎,價單價285萬元。

菁雋首批單位,沒有任何折扣及不提供按揭,平均呎價16,937元更貴絕屯門,較同區弦海上月公佈的首批單位平均呎價15,791元貴7.3%。若與屯門豐連2016年7月首批單位平均呎價8,826元比較,屯門新盤兩年貴足九成。

可憐!政策令到年青上車族,住得細,又住得貴!

今次龍床盤菁雋熱賣,最主要的原因是市場沒有這個Lump Sum,最細的單位雖然比車位還要細,但價錢是200萬以下,消失多年的100元厘印費再現江湖,至於170呎左右的開放式單位,價錢很多是300萬以下。

事實上,有些二手單幢舊樓,例如深水埗、長沙灣就有好幾幢30多年的二手樓,實用呎數140呎至170呎左右,叫價都要3百多萬,相比之下新樓比舊樓更平!

屈指一算,深水埗那些百多呎的舊樓,呎價竟然高達2萬元,完全冇道理!你可以嘗試講價,但有經驗的業主,可謂啋你都傻!根本就不會跟你計呎價,只恰你俾唔起首期,冇得選擇,焗住要買。是誰令到市場變態?是政府的辣招!

根據金管局的指引,借8成以上的按揭,貸款上限是360萬,換言之只有400萬或以下的單位,才可以借足9成按揭,才可以享受低首期上車,於是引來全城熱搶。

首期不足的年青人固然去搶,就連投資者,只有家裡仍然有名額,都來搶埋一份!市場上不足100呎的劏房,月租都要5千元起,新樓怎會租不到6、7千呢?

可惜現有制度下,沒有錢的,就要買更殘、更舊、更細、呎價更貴的樓,相反如果有錢做4~5成首期,質素高好多,呎價平好多。

Our Latest Work

溫馨提示: 以下生活品味圖片與你完全無關!!你甚至擺唔落一個書架!!!

Design Inspiration

What Our Clients Say

買架旅行車泊街會唔會實在啲?
網民
向西村上春樹
遲早有人發明打直訓既床, 咁樣間屋就可以再細d啦... #跳起Yeah
網民
向西村上春樹
買黎做咩?做迷你倉?
街坊
馬小姐
咁嘅單位 就算搞嘢都只可以龍舟掛鼓,推車都唔夠位
Facebook網民
向西村上春樹
啲人想試下坐監嘅感覺, 哩啲單位就一流。 希望到時啲特色單位可以裝修到同赤柱一樣就好
Facebook網民
向西村上春樹
網民狂斥:人住嫌細 狗住嫌貴
Facebook網民
向西村上春樹